Mie Poesie

Da diese ani l’è ‘ndà de la
commemorà ed onor se ghe da
a catarse al do de Setembre
aéa Cesa de San Vì,
tuti quanti i amissi e amighe
insieme tacai come non mai.
Bona permanensa “Pisto”
varda anca zo iutando chi
che ze de bona voèontà.

1° domenica d’Agosto

Par fortuna che jera caldo,
tanta zente sentà sui prai
a magnare,
a ciaciarare,
a bevare o fumare,
mentre i boce i jera drio zugare.
Tute e fameje a sparagnare.
Tante grosse feste
tanto impienae e séste
tante, massa, anca e teste.

Canta che ti passa …..
Fischia che ……. passerà.
Ulula che …… andrà.
Grida che …… si vedrà.
Quando mai l’aspetti capiterà
quello che ormai c’è già.

Una miriadi di colori,
centinaia di stati,
migliaia di persone,
un’arcobaleno di lingue e razze.
Speranza, serenità, unione
e tanto divertimento.

Tante bùsie tute d’un fià
fa vegnere a pée de oco
anca a un cristian.
Vardar a téevision,
scoltare a radio,
lèzere el giornae,
vedendo el mondo che va rovesso,
se capisse che simiteri de bùsie,
che me vien urtà rento al nostro servèo.
Me vien propinà tuti i dì
tuto va ben, magari soéo a saéute, a volte,
tuti laòra, ciapa schei a paéàe, soéo i pì furbi,
tuti va in ferie, sfojando cataéoghi, sentai casa,
tuti spende e spande, soéo quei che ghi’nà, i altri varda,
tuti i va a far vacansa d’istà ma anca quée bianche de’inverno.
Piconae tra i denti,
che se no te ste tento a dove te meti i suori
dée to fadighe d’ogni dì,
gnanca co e braghe de tea
te te cati dosso,
sia che sia caldo d’istà,
sia che sia rivà el fredo d’inverno.

Che paroèona difissie da dirla,
anca de sentirla,
e da capirla.
Stagnassion più inflassion.
Go capio tuto, in un lampo de genio,
voe dir soéo ciaparlo in tel ……
si proprio la.
Tanto ciapà
tanto guadagnà.
Tanto de tanto diviso tanto,
me da sempre e soéo tanto.
Tanto de tuto,
deventa massa de tanto.
Tanto de gnente,
ze aria, vodo, suto.
Vanti, musso, tira e tasi,
o tasi e tira … el careto,
che se te te fermi, anca el careto se ferma,
e chi ze che lo para vanti?
Ti … ti … sempre e soéo ti … asèno.

Val de pì ‘na paroéa dita al momento giusto
che sento butae la pal cas.o.
El popoéo ghe crede pì ae busie
che a tante verità.
A pora zente va drio a massa
parchè i crede de aver a forsa,
un che se vede o se sente fora sciapo
el se perde, anca, in t’un bicer de aqua. 

Omo de bona compagnia
a savere de Bassan, andà,
el tempo fa rivivare.
Indrio coi ani
sinquanta e pì,
ricordi anca mìi, sopìi,
riportai aéa lusse
dai racconti rivissui insieme.
Lampi de ricordi concatenai,
un dopo l’altro, a mente laora,
verzendo casseti,
fasendome rivivare
momenti, emossion,
dea me bea infansia. 

Vanti, sempre vanti,
i effeti darà rasòn.
Sbagli sensa provar
ze diffisie savére,
fazendo e urtando
i vantàj se vedrà.
Mai perder a testa
el servéo serve tanto. 

In Sella, Vicentino,
Pampeago, el Trentino,
tanta gioia,
tanta fatica,
tanto sudore,
tanta voglia di emergere
domani è un’altra giornata
agognata sarà … un’altra Vittoria.