Mie Poesie » Poesie

Ventioto

brigante — Tue, 24 Jan 2012 09:33:27 +0000

Ventioto i xe rivai,
anca da Noemi ben conpagnai,
sàeute e feissità
par altri sento ani ‘cora qua!
Nialtri da quàsora
Venessia a vedemo lontana,
vojaltri, divertive,
che Venessia… incanta!

I miei primi anni 60

brigante — Tue, 03 Jan 2012 20:55:46 +0000

Dai – dai che ce la fai!
Doman, con tanti ossi stracaj,
i to sessanta ani i xe rivaj.
A to fameja a xe tuta quanta qua riunia
no’ a xe da tuti, no’ a xe da butar via,
‘na man a te vien dà
anca se no’ a xe conprà.
Par star ben
no’ te ocor el pien!
Te vorissi vendar a baraca,
anca a to femena a xe straca,
ga da capitar queo che ghi’nà tanta
che ghe piasa sùtio e no’ se stanca.
Da qua te vedi el mar…
resta coi pie par tera no’ sta sognar!
Tuto a tenpo suo
basta che’l sia vegnuo – vossuo!

Veneti nel mondo

brigante — Sat, 31 Dec 2011 18:55:31 +0000

A tuti quei che xe amissi “Veneti nel mondo”

Vojo dar un forte strucon
che dal me còre xe un spunton
forte e grando un augurion,
a quei che nel tondo
de ‘sto mondo,
pensa o fa del bon
assando e robe brute nel canton
sàvendo de far senpre ‘na bona àssion.
Un soriso
stanpà nel viso
fa star benon
anca chi no’ xe paron…

Pragolin contrada

brigante — Mon, 12 Sep 2011 09:14:41 +0000

Contrà Pragojn

Un cò se ga festejà Contrà Pragojn
qua da Uccio,
al verto dea sera,
in casa sua co’ tuta a s’o bea jente.
1o Setenbare domiaundese,
‘na data da ricordarse,
un dì da segnar sol caendario.
Da ‘stano in vanti festejeremo
al diese de Setenbare.
A tuta a bea conpagnia
un baso e un strùcon,
val de pì de un milion!

Valerio Agostino Baron “el Brigante”

Contrada Pragolin: Oggi abbiamo festeggiato Contrada Pragolin / qui da Ferruccio, / all’aperto della sera, / in casa sua con tante bella gente. / 10 Settembre 2011, / una data da ricordare, / una giornata da segnare nel calendario. / Da quest’anno in poi festeggeremo / il 10 di Settembre. / A tutta la bella compagnia / un bacio e un abbraccio, / vale di più di un milione!

S. Marco Evangelista e il Veneto

brigante — Mon, 25 Apr 2011 05:30:23 +0000

Da sora el piedistàeo
el varda el so paese,
torno el manteo tien el popòeo
a difesa de xente càtiva,
vardando in tondo
el vede a laguna co’ i pes-càori
sora barche in festa,
pì in la ‘na verda canpagna fioria
tra el xaeo dei pissacani
el rosso dei papavari
el céeste dei batisesòe.
In alto montagne bée, alte,
piene de storia e de ricordi,
anca lontani nel tenpo.
Fiumi de aqua che score verso el mar
portando xo sùori, fadighe e bei ricordi.
Coine cò fiari de visée
e de olivari tuti ben alineai.
S-ciapi de tosati e tosate
inamorai de tuta ‘sta béessa,
che in un colpo de òcio
i vede el scorrer del tenpo
in ‘sto paradiso de tera.

S. Marco Evangelista e il Veneto: Da sopra un piedistallo / lui guarda il suo paese, / torno al mantello trattiene il popolo / difendendolo dalle cattive persone, / guardando attorno, / vede la laguna con i pescatori / sopra barche in festa, / in lontananza una verde campagna fiorita / tra il giallo del tarassaco / il rosso dei papaveri / e il celeste dei fiordalisi. / In alto montagne belle e alte (Grappa, Cadore,…), / piene di storia e di ricordi, / anche lontani nel tempo. / Fiumi di acqua che scorre verso il mare (Brenta, Piave,…) / portando i sudori, le fatiche e dei bei ricordi. / Colline con filari di viti / e di olivi tutti bene allineati. / Gruppi di ragazzi e ragazze / innamorati di tutta questa bellezza, / che in un batter d’occhio / vedono lo scorrere del tempo / in questo paradiso di terra.

Se vedaremo che’l dì…

brigante — Thu, 21 Apr 2011 19:59:29 +0000

Sì…
Che’l dì che sarà
sarà un dì fortunà,
vorà dir che jera giusto
catarse con tanto gusto,
e pal piasser
sensa tanto mestier,
che jera un dì predestinà
catarse e de esser qua…

Ci vedremo quel giorno…: Sì… / quel giorno che sarà / è un giorno fortunato, / vorrà dire che era giusto / trovarsi con tanto gusto, / e per il piacere / senza tanto pensarci, / che era un giorno predestinato / trovarsi e di essere qui…

Leon

brigante — Fri, 18 Mar 2011 07:00:55 +0000

Xe sta scrito,
nei timpi indrio,
quando el “Leon”
darà fià
tuto el mondo canbiarà
se rivoltarà.
El “Leon” ga rùggio
tuti tenti
tuti drio.
Dal pian al monte
da canpane ciamae
frote de jente
sùito incaminae.
In alto e bandiere
rivà el vento
del canbiamento…

Il “Leone” di San Marco: E’ stato scritto, / in tempi lontani (molti anni or sono), / che quando il “Leone” / prenderà fiato (ruggirà) / tutto il mondo cambierà / si rivolterà. / Il “Leone” ha ruggito / tutti attenti / tutti dietro. / Dalla pianura alle montagne / da campane chiamate / frotte di persone / si sono subito incamminate. / In alto le bandiere / è arrivato il vento / del cambiamento…

Oràssio

brigante — Sun, 13 Mar 2011 19:04:56 +0000

Go visto jente ‘ndare
go visto jente tornare,
al de la dea granda aqua
‘naltra nassion
altra jente,
no’ simo nialtri…
Oràssio
te si un stràssio
mai sàssio…
ma ti voemo ben.
Qua te assi ‘na fameja
la ti cati… chi?
E porte e xe senpre verte
par chi che vol tornar…

Orazio Tarditi (che al 31 di questo mese va a Panama per restarci): Ho visto gente andare / ho visto gente tornare, / oltre oceano / altra nazione / altra gente, / non siamo noi… / Orazio / sei uno strazio / mai sazio… / ma ti vogliamo bene. / Qui lasci una famiglia / li chi trovi? / Le porte sono sempre aperte / per chi che vuole ritornare…

Soto aqua

brigante — Tue, 22 Feb 2011 15:44:08 +0000

Che gran bruto momento

catarse l’aqua in gòea.

Casa alagà

tuto xe sta rovinà,

de rodoéon xo par e scarpae

basta a vita senò saria finio mae…

Giosse grosse, grandi,

no’ le finisse pì,

vegnarà che’l dì

che’l soe nassarà

e mai pì tramontarà!

Sotto acqua: Che grande brutto momento / trovarsi con l’acqua alla gola. / Casa allagata / tutto è stato rovinato, / di corsa giù per le discese / importante è la vita altrimenti sarebbe finito male… / Gocce grosse, grandi, / non finisce più di piovere, / verrà quel giorno / che il sole nascerà / per non tramontare più!

Venessia i teti

brigante — Sat, 29 Jan 2011 17:12:35 +0000

Sora i teti de Venessia

gaxebi in alto i stà,

al matin

el soe xe svejarin,

aéa sera,

al càear del ciaro,

mie còeori me infonde

nei me oci maravejai…

Che bea a vista xe

da sfumadure naturai…

Da una foto vista su: http://www.facebook.com/photo.php?fbid=179767378729537&set=a.170824222957186.32924.100000888280423&pid=409022&id=100000888280423

Foto di Albert Gardin…