Frana… Frana…
Caveve da la
vegnì de qua,
svelti, movive, vojo morir?
Vardar e vegnerme i sgrisoi
longo a schena,
scene da fine del mondo,
scene de milioni de metri cubi de sabia
che se move, che vien xo al pian.
Senbrava che soto ghe sia stà
un motor assionà,
gaveva ‘na forsa mortae.
Tuto queo che in alto se catava
come ‘na vanga el teren se rivoltava.
Sighi, urli, pianti…
de xente che desso no’ ga pì gnente,
suori de ani, anca da migrante,
in frassion de secondi,
xe tuto croeà
xe tuto spario
xe ‘ndà rento a tera… ingiotio.
Frana… Frana… / Gridavano levatevi da quel posto / venite in questo luogo, / di fretta, muoversi, volete morire? / Guardavo (la tv) e mi venivano i brividi / lungo la schiena, / scene da fine del mondo, / scene de milioni di metri cubi di sabbia / in movimento, che arrivano al fondo. / Sembrava che sotto ci sia stato / un motore funzionante, / che aveva una forza immensa. / Tutto quello che si trovava sopra / come una vanga il terreno sembrava rivoltato. / Grida, urli, pianti… / di gente che adesso non ha più nulla, / sudori di lavoro di anni di fatica, anche da emigrante, / in frazioni di secondi, / è crollato tutto / è tutto sparito / è andato dentro la terra… inghiottito.
