Scritta a metà Agosto 2008
Che bae.. baéamento….
a giornada, par fortuna a ze finiaaaa
in béessa bagnà,
sembraria za autuno inoltrà.
A majeta go indossà,
‘na femeneta col can inbrassà
a me ga dimandà:
“el tache a stua sior!”,
e mi in magnera garbà:
“sioreta a stua ze stuà,
e chi ga fredo, casa sua el va,
de seguro a se scaldarà se egna a ga”.
“Senò soto e querte tacà al marìo,
o col can inmbrassà
a vedarà che a se scaldarà”.
“A semo in Agosto, se a ga fredo desso….
a core comprarse un scaldin
o a toe un bon piconsin,
cossì andando a piconare
a se scalda e a fa ginastica”….
