Mie Poesie

Finì i dì de festa
ciapar queo che resta,
anca se a sembra funesta,
uncò a giornada ze lesta
co’a Befana finisse, anca questa,
doman n’altro giorno da laoro
pensando ai dì finìi … de oro
te te giravi nel leto in oro
dormindo aéa grande con soporo.

Ze proprio vero che ze fredo
tra bora, neve e giasso
a passo ingobà
ecoéa, anca st’ano ze rivà.
A l’ Epifania riva sempre i Re Magi
ma riva anca a Befana
porta dolsi, anca a “Putana”
gentie e bona come ‘na prima dòna,
a torta dei nostri veci, rivisità,
porta in sora a toéa soéo bontà.

A befana a ze veciota
a se tien su coéa bigoina
a ze ingobada anca par el fardeo
sempre pien de carbon o dolseti,
pian pianin passo dopo passo
a serca de rivar da par tuto,
vestia de strassoni a se tien calda
tegnendose anca el fasoeton in testa.
Aéa fine del so’ giro a vien ciapada
in alto picada e de fato brusada.

Che beo ze roversarse
‘ndar vanti e tornar indrio.
Ieri i go fati sinquantasete
partanto i ze quarantatre
che manca ai sento.
Andando indrio cuèo
a se deventa sempre pì zovani.
Me mojere  vardandome ben in fàcia
a me ga dito che son mato,
che a gavesse razon?

Anca un’cò ze rivà
el primo de ano ze qua,
ogni ano novo bone speranse augurae
paroe su paroe sempre pì masenae
poche ma da un toco soéo sfrutae,
bastaria poco, ma fare,
no’ dire e assare.
Batemo in alto e man
speremo tanto al doman…