Mie Poesie

In ‘sto momento el me serveo
torna indrio a quando jero puteo,
quando co me Mare se ‘ndava dal Zio
la si che ghe jera el ben de dio,
risento ancora el gusto del “clinton”
in te a scodea co’ pan bon,
magari biscoto,
ferrarese, queo contorto,
quatro fete de bona sopressa
ma tajà grossa,
con un piateo de radicée
se faseva de sena anca con quée,
magari do oveti de faraona,
suai, i jera a parte pì bona,
a casa se tornava in bici
co’ e sporte piene e tanto feisi,
saéudando a “Quana e Nain”
de corsa a casa come un bain.