Mie Poesie

Pensando al doman,
no, ae do man,
ma al doman cossa ze che capitarà?
Un’cò lo savemo, squasi,
za, ma doman?
Desgrassie ghin capita ogni dì,
mancamenti in ogni canton,
busie in ogni momento,
paroéasse da boca in boca,
sugaschei, ladri, assassini, in ogni dove
anca dove manco te pensi.
Te speri che calcun te jute
e invesse de salvarte i te schicia
a testa soto ….. e te resti schicià.
Pensa, vai e strenzi e ciape
se te le tien verte te’o ciapi.