Mie Poesie

Una miriadi di colori,
centinaia di stati,
migliaia di persone,
un’arcobaleno di lingue e razze.
Speranza, serenità, unione
e tanto divertimento.

Tre boti, tre sciochi, fa tremar l’aria,
scominsia i fùghi,
sparai a ripetission verso el ceo scuro,
che’l se veste de ciaro, brìa e de mie coèori,
un drio che’altro, che i se core drio
dai mortai sparai
nel ceo riversai,
bei, par essare visti da oci imbamboéai.
Rossi, verdi, zai, bianchi, argentai,…..
Altri tre boti, sciochi, e tuto ze finì.
In lontanansa, altro paese,
altri fùghi, altra zente,
altri oci che varda verso el ceo.

Tante bùsie tute d’un fià
fa vegnere a pée de oco
anca a un cristian.
Vardar a téevision,
scoltare a radio,
lèzere el giornae,
vedendo el mondo che va rovesso,
se capisse che simiteri de bùsie,
che me vien urtà rento al nostro servèo.
Me vien propinà tuti i dì
tuto va ben, magari soéo a saéute, a volte,
tuti laòra, ciapa schei a paéàe, soéo i pì furbi,
tuti va in ferie, sfojando cataéoghi, sentai casa,
tuti spende e spande, soéo quei che ghi’nà, i altri varda,
tuti i va a far vacansa d’istà ma anca quée bianche de’inverno.
Piconae tra i denti,
che se no te ste tento a dove te meti i suori
dée to fadighe d’ogni dì,
gnanca co e braghe de tea
te te cati dosso,
sia che sia caldo d’istà,
sia che sia rivà el fredo d’inverno.